សូមចុច Subscribe កោះសន្តិភាព ព័ត៌មានទាន់ហេតុការណ៍ ព័ត៌មានពិត និងគួរឲ្យទុកចិត្ត
រាជធានីភ្នំពេញ ៖ លោកជំទាវបណ្ឌិត ជា សិរី អគ្គទេសាភិបាល ធនាគារជាតិនៃកម្ពុជា បានធ្វើការក្រើនរំលឹកដល់សិស្សានុសិស្សដែលទើបប្រឡងជាប់ជាស្ថាពរសញ្ញាបត្រមធ្យមសិក្សាទុតិយភូមិសិក្សា ២០២៣-២០២៤ ទាំងអស់កុំជ្រើសរើសជំនាញ ឬ ទៅរៀនសូត្រនៅមហាវិទ្យាល័យតាមមិត្តភក្តិត្រូវចេះសម្រេចចិត្តជ្រើសរើសនូវជំនាញណាដែលខ្លួនស្រលាញ់និងតាមទេពកោសល្យដែលខ្លួនឲ្យតាមស្របតាមការការរីកចម្រើនរបស់ប្រទេសជាតិ និងតម្រូវការទីផ្សារការងារ ។
លោកជំទាវបណ្ឌិត ជា សិរី បានលើកឡើងដូចនេះនៅក្នុងឱកាសដែលលោកជំទាវអញ្ជើញជួបសំណេះសំណាលជាមួយសិស្សថ្នាក់ទី ១២ ដែលប្រឡងជាប់ជាស្ថាពរសញ្ញាបត្រមធ្យមសិក្សាទុតិយភូមិ ឆ្នាំសិក្សា ២០២៣-២០២៤ នៅក្នុងស្រុកប្រាសាទសំបូរ និងស្រុកសន្ទុកខេត្តកំពង់ធំនៅថ្ងៃទី ១២ខែវិច្ឆិកាឆ្នាំ ២០២៤ដោយបញ្ជាក់ដែរថា បើយើងសម្រេចជ្រើសរើស ជំនាញណាដែលខ្លួនស្រលាញ់ បានហើយយើងត្រូវតែមានស្មារតីប្តេជ្ញាចិត្តប្រឹងប្រែងឲ្យអស់លទ្ធភាពបើចេះអីមួយ ត្រូវចេះឲ្យច្បាស់ និងប្រាកដ ទើបអាចរកការងារបានល្អដូច សម្តេចបវរធិបតី ហ៊ុន ម៉ាណែត ធ្លាប់មានប្រសាសន៍ថា រៀនឲ្យចប់ រៀនឲ្យចេះ និងឲ្យមានការងារធ្វើ ហើយក៏មិនខុសនឹងពាក្យចាស់តែង ពោលថា “ចេះអ្វីចេះឲ្យប្រាកដ ប្រាក់រត់តាមហៅ” នោះដែរ ។
Leave a Reply